అసోంలో ప్రతిపక్షమే లేని అసెంబ్లీ: కాంగ్రెసుకు 78 సీట్లు

గౌహతి: అసోం ఎన్నికల ఫలితాలు ప్రతిపక్షాలకు కాళ్లు, చేతులు ఆడకుండా చేశాయి. అధికార కాంగ్రెస్ ఆధిక్యాన్ని ఎక్కడా సవాలు చేయలేకపోయిన విపక్షాలు కనీసం అసెంబ్లీలో ప్రతిపక్ష హోదాను కూడా సంపాదించుకోలేకపోయాయి. 126 మంది సభ్యులున్న సభలో కనీసం 21 మంది సభ్యులుంటేనే ఏ పార్టీనైనా ప్రతిపక్షంగా గుర్తిస్తారు. అయితే, ఇప్పటి వరకు ప్రధాన ప్రతిపక్షంగా ఉన్న అసోం గణ పరిషత్ ఈ సారి కేవలం 10 సీట్లు మాత్రమే గెలుచుకుంది. గత ఎన్నికల్లో 24 సీట్లు గెలుచుకోగా ఈ సారి 14 సీట్లను కోల్పోయింది. ఇక బిజెపి కూడా గతంలో పది సీట్లు గెలుచుకోగా ఈ సారి 5 సీట్లే గెల్చుకుంది.

దీంతో ఆయా పార్టీలు ప్రతిపక్ష హోదాకు కావాల్సిన 21 సీట్ల దరిదాపులకు చేరుకోలేకపోయాయి. రెండు సార్లు ముఖ్యమంత్రి పదవి చేపట్టిన ఏజీపీ అగ్రనేత ప్రఫుల్ల కుమార్ మహంతా సహా అనేక మంది అతిరధ మహరధులు ఈసారి ప్రతిపక్షం లేని సభలో అడుగు పెట్టనున్నారు.

English summary

There is no opposition in Assam in this time. AGP get 10 seats and BJP get 5 seats only. But it must 21 seats to maintain as opposition.