రజనీకాంత్ బాగున్నారు, కోలుకుంటున్నారు: మోహన్‌ బాబు

By Pratap

Published: Monday, May 16, 2011, 17:03 [IST]

చెన్నై‌: తమిళ సూపర్ స్టార్ రజనీకాంత్ బాగానే ఉన్నారని ప్రముఖ తెలుగు సినీ నటుడు మోహన్ బాబు చెప్పారు. రజనీకాంత్ కోలుకుంటున్నారని, రజనీ ఆరోగ్యం బాగానే ఉందని ఆయన సోమవారం అన్నారు. శ్రీరామచంద్ర ఆస్పత్రిలో చికిత్స పొందుతున్న రజనీకాంత్‌ను తెలుగుదేశం పార్టీ అధ్యక్షుడు నారా చంద్రబాబు నాయుడు సోమవారం పరామర్శించారు. ముఖ్యమంత్రిగా జయలలిత ప్రమాణ స్వీకార కార్యక్రమానికి హాజరైన ఆయన రజనీని పరామర్శించారు.

రజనీకాంత్ కోలుకుంటున్నారని, నాలుగైదు రోజుల్లో ఆస్పత్రి నుంచి డిశ్చార్జీ అవుతారని చంద్రబాబు చెప్పారు. రజనీకాంత్‌ను గుజరాత్ ముఖ్యమంత్రి నరేంద్ర మోడీ కూడా పరామర్శించారు. ఆరోగ్యం బాగా లేక రజనీకాంత్ శ్రీరామచంద్ర ఆస్పత్రిలో చేరిన విషయం తెలిసిందే. అమెరికాలో చికిత్స తీసుకోవాలని వైద్యులు రజనీకాంత్‌కు సూచిస్తున్నట్లు సమాచారం.

Published On May 16, 2011