యువతి హత్య కేసులో ఉత్తరప్రదేశ్ బిఎస్‌పి శాసనసభ్యుడికి జీవిత ఖైదు

By Pratap

Published: Tuesday, May 17, 2011, 17:13 [IST]

ఫైజాబాద్‌: 24 ఏళ్ల న్యాయశాస్త్ర విద్యార్థిని హత్య కేసులో ఉత్తరప్రదేశ్ మాజీ మంత్రి, బిఎస్‌పి శానససభ్యుడు ఆనంద్ సేన్ యాదవ్‌కు స్థానిక కోర్టు మంగళవారం జీవిత ఖైదు విధించింది. 2007లో న్యాయశాస్త్ర విద్యార్థిని శశి ప్రసాద్ హత్యకు గురైంది. దళిత యువతి అయిన శశి ప్రసాద్ ఫైజాబాద్‌లో న్యాయశాస్త్రం అభ్యసిస్తుండేది.

యాదవ్ డ్రైవర్ విజయ్ సేన్‌కు, సమీప మిత్రుుడ సీమా ఆజాద్‌కు కూడా కోర్టు జీవిత ఖైదు విధిస్తూ తీర్పు చెప్పింది. శశి ప్రసాద్ హత్య కేసులోని ఆ ముగ్గురిని కోర్టు దోషులుగా నిర్ధారించింది. శశి ప్రసాద్ హత్య కేసులో చిక్కుకోవడంతో యాదవ్‌ను మంత్రివర్గం నుంచి తొలగించారు. కోర్టు తీర్పు వెలువడని వెంటనే యాదవ్‌ను కస్టడీలోకి తీసుకున్నారు.

Published On May 17, 2011