అబ్బాయ్ జగన్‌కు బాబాయ్ వైయస్ వివేకానందరెడ్డి ఆఫర్

హైదరాబాద్: వైయస్ఆర్ కాంగ్రెసు పార్టీ అధ్యక్షుడు, అబ్బాయ్ వైయస్ జగన్మోహన్ రెడ్డికి బాబాయ్, మాజీ మంత్రి వైయస్ వివేకానందరెడ్డి ఓ ఆఫర్ చేశారు. జగన్ కాంగ్రెసు పార్టీలోకి తిరిగి వస్తే సాదరంగా ఆహ్వానిస్తామని వివేకానందరెడ్డి చెప్పారు. దివంగత ముఖ్యమంత్రి వైయస్ రాజశేఖరరెడ్డి కాంగ్రెసు నాయకుడే అని అన్నారు. అధిష్టనం సూచనల మేరకు నడుచుకొని పార్టీకి సేవ చేస్తానని చెప్పారు. జగన్ తనను వైయస్ఆర్ కాంగ్రెసు పార్టీలోకి ఆహ్వానించే బదులు కాంగ్రెసులోకి ఆయనే రావడం మంచిదన్నారు.

కాగా రాష్ట్ర వ్యవహారాల ఇంఛార్జ్, కేంద్ర మంత్రి గులాం నబీ ఆజాద్‌ను కలిసిన అనంతరం వైయస్ వివేకానందరెడ్డి విలేకరులతో మాట్లాడారు. ఆజాద్‌తో తన రాజకీయ భవిష్యత్తుపై చర్చలు జరిపినట్లుగా తెలుస్తోంది. పులివెందులలో వదిన విజయమ్మ మీద ఘోర ఓటమి చెందడంతో ఆయనకు గవర్నర్ కోటాలో ఎమ్మెల్సీ పదవి ఇచ్చే అవకాశం ఉన్నట్లుగా తెలుస్తోంది.

English summary

YS Vivekananda Reddy offered YSR Congress party president YS Jaganmohan Reddy. He suggested Jagan to return to congress.