ప్రత్యేక తెలంగాణ కోసం పార్టీ జెండాలతోనే ఉద్యమం: బాబు

Published: Wednesday, May 18, 2011, 15:09 [IST]

తెలుగుదేశం పార్టీ సీనియర్‌ నేత నాగం జనార్దన్‌ రెడ్డికి ఆ పార్టీ అధినేత నారా చంద్రబాబు నాయుడు ఝలక్ ఇచ్చారు. పార్టీ జెండాలు లేకుండా బహిరంగ సభలు నిర్వహిస్తామని నాగం జనార్దన్‌ రెడ్డి మరియు పార్టీ సీనిర్ నేత హరీష్ రెడ్డిలు ఇటీవల ప్రకటించిన నేపథ్యంలో చంద్రబాబు సీరియస్ అయ్యారు. ప్రత్యేక తెలంగాణ ఏర్పాటు కోసం ఎటువంటి కార్యక్రమాలు చేపట్టినా, ఆ కార్యక్రమాల్లో పార్టీ జెండాలు పట్టుకొనే ఉద్యమించాలని ఆయన స్పష్టం చేశారు. తెలంగాణ అంశంపై టిడిపి ఏనాడో తమ వైఖరిని తెలియచేసిందని పార్టీ కార్యాలయంలో జరిగిన విలేఖరుల సమావేశంలో చంద్రబాబు చెప్పారు.

రాష్ట్ర విభజనపై కేంద్ర ప్రభుత్వమే త్వరగా ఓ నిర్ణయం ప్రకటించాలని, ప్రత్యేక తెలంగాణ రాష్ట్ర ఏర్పాటుపై జస్టిస్ శ్రీకృష్ణ కమిటీ నివేదించిన సూచనలను తక్షణమే అమలు చేయాలని చంద్రబాబు డిమాండ్ చేశారు. తెలుగుదేశం పార్టీ వార్షిక సమావేశం మహానాడులో తెలంగాణకు అనుకూలంగా తీర్మానం చేయాల్సిన అవసరం లేదని బాబు అభిప్రాయపడ్డారు. ఇకపై తెలంగాణ అంశంపై కేంద్రం నిర్వహించే ఎలాంటి సమావేశాలకు తాము హాజరయ్యేది లేదని అన్నారు. టిడిపిలో నాగం, హరీశ్వర్‌ రెడ్డిల వైఖరిపై పార్టీ సభ్యులతో చర్చించి ఓ నిర్ణయం తీసుకుంటామని చంద్రబాబు చెప్పారు.

Published On May 18, 2011