అత్యాచారం ఆరోపణలు: ఐఎంఎఫ్ చీఫ్ డొమినిక్ స్ట్రాస్ రాజీనామా

By Pratap

Published: Thursday, May 19, 2011, 11:46 [IST]

వాషింగ్టన్: అత్యాచారం ఆరోపణలతో అంతర్జాతీయ ద్రవ్య నిధి సంస్థ (ఐఎంఎఫ్) మేనేజింగ్ డైరెక్టర్ డొమినిక్ స్ట్రాస్ - కహ్న్ రాజీనామా చేశారు. అయితే తనపై వచ్చిన అత్యాచారం ఆరోపణలను ఫ్రాన్స్‌కు చెందిన డొమినిక్ ఖండించారు. ఐఎంఎఫ్ మేనేజింగ్ డైరెక్టర్‌గా తాను రాజీనామా చేయాల్సిన పరిస్థితి రావడం తనకు అంతులేని విషాదాన్ని కలిగిస్తోందని ఆయన అన్నారు.

డొమినిక్ 32 ఏళ్ల మన్‌హటన్ హోటల్ చేంబర్ మెయిడ్‌పై డొమినిక్ అత్యాచారం జరిపినట్లు ఆరోపణలు వచ్చాయి. దీనిపై గ్రాండ్ జ్యూరీ నిర్ణయం వెలువడాల్సి ఉంది. ప్రస్తుతం ఆయన న్యూయార్క్ జైలులో ఉన్నారు. తాను అత్యాచారానికి పాల్పడలేదని డొమినిక్ నెత్తినోరు మొత్తుకుని చెబుతున్నారు.

Published On May 19, 2011