దావూద్ కుమారుడి వెడ్డింగ్ రిసెప్షన్ వాయిదా, ఆందోళనలో డాన్

ముంబై: ఆండర్ వరల్డ్ డాన్ దావూద్ ఇబ్రహీం తన కుమారుడు మోయిన్ వివాహానంతర వేడుకను వాయిదా వేసుకున్నాడు. వచ్చే వారం ఈ వేడుకను నిర్వహించాలని అనుకుంటున్నాడు. పాకిస్తాన్‌లో తనను తాను రక్షించుకోవడానికి, ముంబైలో గత వారం తన సోదరుడి ఇంటి వద్ద కాల్పులు జరిపినవారిని గుర్తించడానికి తీవ్ర ప్రయత్నాలు చేస్తున్నాడు. ఆల్ ఖైదా చీఫ్ ఒసామా బిన్ లాడెన్ మరణం తర్వాత దావూద్ తీవ్ర ఇబ్బందుల్లో పడినట్లు వార్తలు వస్తున్నాయి.

దావూద్‌ను తమకు అప్పగించాలని భారత్ పాకిస్తాన్‌ను కోరిన నేపథ్యంలో ముంబైలో తన సోదరుడు ఇక్బాల్ కస్కర్ ఇంటి వద్ద కాల్పులు జరగడం దావూద్‌ను విస్మయానికి గురి చేసినట్లు చెబుతున్నారు. కాల్పుల్లో కస్కర్ బాడీ గార్డ్ ఆరిఫ్ బేల్ మరణించాడు. దావూద్ కుమారుడి వివాహం ముందు నిర్ణయించిన ప్రకారం ఈ నెల 27వ తేదీన జరుగుతుందని, రిసెప్షన్ మాత్రం వాయిదా పడుతుందని అంటున్నారు. వెడ్డింగ్ రిసెప్షన్ 28వ తేదీన జరగాల్సి ఉంది. ప్రస్తుత స్థితిలో దావూద్ వెడ్డింగ్ రిసెప్షన్‌ను వాయిదా వేసుకున్నట్లు చెబుతున్నారు.

English summary

Fugitive underworld don Dawood Ibrahim has postponed the wedding reception of his son, Moin, next week. Dawood is busy trying to protect himself in Pakistan and trace the person who fired outside his brother's house in Mumbai last week.