కాంగ్రెసుకు గుడ్ బై, జగన్ పార్టీలోకి నిజాబామాద్ జెడ్పీ చైర్‌పర్సన్

By Srinivas

Published: Monday, May 23, 2011, 10:02 [IST]

నిజామాబాద్: జిల్లా జెడ్పీ చైర్ పర్సన్ వెంకటరమణారెడ్డి వైయస్ఆర్ కాంగ్రెసు పార్టీలో చేరనున్నట్లుగా వార్తలు వస్తున్నాయి. వెంకటరమణారెడ్డికి జిల్లాలో మంచి పట్టు ఉంది. కాంగ్రెసు పార్టీ తీరు పట్ల అసంతృప్తితో పాటు దివంగత ముఖ్యమంత్రి వైయస్ రాజశేఖరరెడ్డి మీద ఉన్న అభిమానం కారణంగానే వెంకటరణారెడ్డి కాంగ్రెసు నుండి బయటకు వెళ్లి ఇటీవలె వైయస్ఆర్ కాంగ్రెసు పార్టీ స్థాపించిన వైయస్ జగన్మోహన్ రెడ్డి పార్టీలో చేరాలనే యోచనలో ఉన్నట్టుగా తెలుస్తోంది. కాగా ఇప్పటికే నిజామాబాద్ జిల్లా నుండి బాజిరెడ్డి గోవర్దన్ రెడ్డి జగన్ పార్టీలోనే ఉన్నారు. ఇప్పుడు వెంకటరమణారెడ్డి జగన్‌తో వెళితే జిల్లాలో కాంగ్రెసు పార్టీ దెబ్బ తినక తప్పదని తెలుస్తోంది.

సోమవారం వెంకటరమణారెడ్డి మీడియా సమావేశం నిర్వహించి తన భవిష్యత్తు నిర్ణయాన్ని చెబుతానని చెప్పారు. ఆయన ఏర్పాటు చేసే మీడియా సమావేశంలో తాను జగన్ పార్టీలో చేరనున్నట్లు వెల్లడించే అవకాశం ఉందని తెలుస్తోంది. కాగా అంతకుముందు ఆయన జగన్‌తో భేటీ కానున్నట్లు తెలుస్తోంది.

Published On May 23, 2011