తెలంగాణపై టిడిపిలో ఆధిపత్య పోరు నడుస్తుంది: జైపాల్ యాదవ్

By Srinivas

Published: Tuesday, May 24, 2011, 15:51 [IST]

హైదరాబాద్: తెలుగుదేశం పార్టీలో తెలంగాణ విషయంలో ఆధిపత్య పోరు కొనసాగుతుందని ఆ పార్టీ కల్వకుర్తి శాసనసభ్యుడు జైపాల్ యాదవ్ మంగళవారం అన్నారు. పార్టీ అధినేత నారా చంద్రబాబునాయుడు, మహబూబ్‌నగర్ సీనియర్ ఎమ్మెల్యే నాగం జనార్దన్ రెడ్డి మధ్య ఆధిపత్య పోరు చూచాయగా కనిపిస్తుందని ఆయన అభిప్రాయపడ్డారు. పార్టీలో ఆధిపత్య ధోరణి సరికాదని ఆయన అన్నారు. అధినేతకు, నాగంకు మధ్య కమ్యూనికేషన్ గ్యాప్ కనిపిస్తుందని అన్నారు. అవసరమైతే తాను పార్టీ, నాగం మధ్య మధ్య వర్తిత్వం వహించడానికి సిద్ధంగా ఉన్నానని అన్నారు.

పార్టీ భవిష్యత్తు దృష్ట్యా అందరూ కలిసి సమైక్యంగా తెలంగాణ కోసం పోరాడాలని ఆయన సూచించారు. ఎవరూ పంతాలకు పోకూడదని అన్నారు. ప్రత్యేక తెలంగాణ రాష్ట్రం విషయంపై పార్టీ కట్టుబడి ఉందని అన్నారు. తెలుగుదేశం పార్టీ తెలంగాణ ఫోరం కూడా నాగం జనార్దన్ రెడ్డిపై చర్యలు తీసుకునే విషయంలో పునరాలోచించాలని సూచించారు.

Published On May 24, 2011