హైదరాబాదులో సీరియల్ కిల్లర్ అరెస్టు: మహిళలపై అత్యాచారం, హత్య

By Pratap

Published: Wednesday, May 25, 2011, 11:36 [IST]

హైదరాబాద్‌: ఓ సైకో సీరియల్ కిల్లర్‌ను హైదరాబాదులో సైబరాబాద్ పోలీసులు అరెస్టు చేశారు. మనావత్ రవి అనే సీరియల్ కిల్లర్‌ను పోలీసులు మంగళవారం అదుపులోకి తీసుకుని ప్రశ్నించగా నేరాలను ఒప్పుకున్నాడు. ఆటో డ్రైవర్ అయిన మనావత్ రవి హైదరాబాదు శివార్లలోని కల్లు కాంపౌండ్ల వద్ద మహిళలను కిడ్నాప్ చేసి, వారిపై అత్యాచారం జరిపి, వారిని హత్య చేస్తూ వస్తున్నాడు.

ఇప్పటి వరకు తాను నలుగురు మహిళలను హత్య చేసినట్లు మనావత్ రవి పోలీసుల వద్ద అంగీకరించినట్లు సమాచారం. గుండ్లగూడాలో రవి లక్ష్మి అనే మహిళను కిడ్నాప్ చేసి, ఆమెపై అత్యాచారం జరిపి, హత్య చేశాడు. రవి గతంలో ఓ అమ్మాయిని ప్రేమించాడని, ఆమె మోసం చేయడంతో మహిళలపై కక్ష పెంచుకున్నాడని అంటున్నారు. కల్లు కాంపౌండ్ల వద్ద ఒంటరిగా కనిపించే మహిళలను కిడ్నాప్ చేయడం అతను ఆనవాయితీగా పెట్టుకున్నాడు.

Published On May 25, 2011