• search
  • Live TV
వేగవంతమైన అలర్ట్స్ కోసం
నోటిఫికేషన్స్ పై క్లిక్ చేయండి  
For Daily Alerts

రణరంగంగా కరీంనగర్ రణభేరీ, 12 మంది టిడిపి శాసనసభ్యుల గైర్హాజర్

By Pratap
|

Revanth Reddy- Errabelli Dayakar Rao- Devendar Goud
కరీంనగర్‌: తెలుగుదేశం తెలంగాణ ఫోరం తలపెట్టిన తెలంగాణ రణభేరీ బహిరంగ సభతో కరీంనగర్ రణరంగంగా మారింది. పార్టీ జెండాను పెట్టి తెలంగాణ సభ నిర్వహించాలనే తెలుగుదేశం తెలంగాణ ప్రాంత నాయకుల ప్రయత్నానికి అడుగడుగునా ఆటంకాలు ఎదురయ్యాయి. బుధవారం కరీంనగర్‌లో తీవ్ర ఉద్రిక్త వాతావరణం చోటు చేసుకుంది. హైదరాబాదులో ఎన్టీఆర్ ట్రస్టు భవన్ వద్ద కరీంనగర్‌కు బయలుదేరే ముందు శాసనసభ్యుడు రేవంత్ రెడ్డి రివాల్వర్‌తో హల్ చేసిన సంఘటన ప్రభావం తీవ్రంగా కనిపిస్తోంది. హైదరాబాదు నుంచి బయలుదేరిన తెలుగుదేశం నాయకులకు అడుగడుగునా అడ్డంకులు ఎదురయ్యాయి. పోలీసుల సహకారంతో ఎట్టకేలకు బుధవారం సాయంత్రం వారు కరీంనగర్ చేరుకోగలిగారు.

రణభేరీ బహిరంగ సభలో తెలంగాణ ప్రాంత శాసనసభ్యులంతా పాల్గొనాలని పార్టీ అధ్యక్షుడు నారా చంద్రబాబు నాయుడు ఆదేశించినా 12 మంది గైర్హాజయ్యారు. నాగం జనార్దన్ రెడ్డి, హరీశ్వర్ రెడ్డి, జోగు రామన్న, వేణుగోపాలాచారిలకు ఆహ్వానాలు వెళ్లలేదు. అంటే, మరో 8 మంది ఈ బహిరంగ సభకు దూరంగా ఉన్నారని అర్థం. కాగా, కరీంనగర్ కమాన్ వద్ద తెలుగుదేశం నాయకులపైకి తెలంగాణవాదులు, తెలంగాణ రాష్ట్ర సమితి (తెరాస) కార్యకర్తలు కోడిగుడ్లు విసిరారు. దీనిపై తెలుగుదేశం నాయకులు రమణ, పెద్దిరెడ్డి పోలీసులకు ఫిర్యాదు చేశారు.

ఇదిలావుంటే, తెలంగాణ రణభేరీకి బయలుదేరిన శానససభ్యుడు మైనంపల్లి హనుమంతరావు, నాయకుడు బాబూ మోహన్ వాహనాన్ని అడ్డుకోవడానికి తెలంగాణవాదులు ప్రయత్నించారు. ఈ సమయంలో తెరాస కార్యకర్తలకు, మైనంపల్లి అనుచరులకు మధ్య ఘర్షణ చెలరేగింది. అంతకు ముందు బెజ్జంకి వద్ద తెలుగుదేశం నాయకుల కాన్వాయ్‌పైకి తెలంగాణవాదులు రాళ్లు, కోడిగుడ్లు విసిరారు. కాన్వాయ్‌ని అడ్డుకోవడానికి ప్రయత్నించారు. మెదక్ జిల్లాలో రేవంత్ రెడ్డి కారుపై రాళ్లతో తెలంగాణవాదులు దాడి కూడా చేశారు. కరీంనగర్ తెలుగుదేశం పార్టీ కార్యలయానికి దుండగులు నిప్పు పెట్టారు.

తెలంగాణ రణభేరీ బహిరంగ సభ వద్ద పెద్ద యెత్తున పోలీసులు మోహరించారు. పెద్ద యెత్తున తెరాస కార్యకర్తలను, తెలంగాణవాదులను పోలీసులు అరెస్టు చేశారు. అయినా, తెలంగాణ రణభేరీకి ఆటంకాలు ఎదురవుతూనే ఉన్నాయి. రణభేరి వేదికకు దగ్గరలోనే తెలంగాణవాదులు, తెరాస కార్యకర్తలు నిరసనకు దిగారు. తీవ్రమైన ఉద్రిక్తత మధ్య తెలంగాణ రణభేరీ బహిరంగ సభ ప్రారంభమైంది.

English summary
Tension prevailed at Karimanagar Telangana Ranabheri public meeting. TRS workers and Telanganites obstructed Telugudesam Telangana leaders.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X