రెండు కళ్ల సిద్ధాంతంతో పోతే బాబుపై ప్రజలు మూడో కన్ను తెరుస్తారు: నాగం

హైదరాబాద్: తెలుగుదేశం పార్టీ అధ్యక్షుడు రెండు కళ్ల సిద్ధాంతంతో పోతే తెలంగాణ ప్రజలు మూడో కన్ను తెరుస్తారని బహిష్కృత నేత నాగం జనార్దన్ రెడ్డి అన్నారు. తన నియోజకవర్గం నుంచి వచ్చిన కార్యకర్తలతో ఆయన గురువారం సాయంత్రం సమావేశమయ్యారు. తనపైకి చంద్రబాబు కొంత మందిని కుక్కల్లా ఉసిగొల్పుతున్నారని, కుక్కలు మొరిగితే ఏనుగు భయపడదని ఆయన అన్నారు. తనపై చంద్రబాబు కొంత మందితో దుమ్ము పోయిస్తున్నారని ఆయన విమర్శించారు.

శాసనసభా సభ్యత్వానికి రాజీనామా చేయవద్దని కార్యకర్తలు నాగం జనార్దన్ రెడ్డిపై ఒత్తిడి తెచ్చారు. తెలంగాణ కోసం తాను కట్టుబడి ఉన్నానని ఆయన చెప్పారు. తెలంగాణపై మాట్లాడడం వల్లనే తనను సస్పెండ్ చేశారని ఆయన విమర్శించారు. పార్టీ వైఖరికి కట్టుబడి పని చేయాలని తాను చెప్తే అది తప్పయిందని ఆయన అన్నారు. గురువారం ఉదయం నుంచి ఆయన పలువురు నాయకులు, కార్యకర్తలు, అభిమానులతో సమావేశమయ్యారు.

English summary

TDP suspended leader Nagam Janardhan Reddy said that people will reject N Chandrababu Naidu for his stand on Telangana.