నారా లోకేష్ ఇష్యూ: చంద్రగిరి నేతలపై చంద్రబాబు ఆగ్రహం

హైదరాబాద్: చిత్తూరు జిల్లా చంద్రగిరి నియోజకవర్గం పార్టీ బాధ్యతలను నారా లోకేష్‌కు అప్పగించాలని తీర్మానం చేయడంపై ఆ నియోజకవర్గం నాయుకులపై తెలుగుదేశం పార్టీ అధ్యక్షుడు నారా చంద్రబాబు నాయుడు ఆగ్రహం వ్యక్తం చేశారు. చంద్రగిరి నియోజకవర్గ పార్టీ ఇన్‌చార్జిగా తన తనయుడు లోకేష్‌ను నియమించాలని, ఆ నియోజకవర్గం నుంచి శాసనసభ ఎన్నికల్లో బరిలో లోకేష్‌ను నిలబెట్టాలని చంద్రగిరి మండల టీడీపీ తీర్మానించడంపై చంద్రబాబు తీవ్ర ఆగ్రహాన్ని ప్రదర్శించారు.

'నన్ను అడిగే పని లేదా? మీ దారిన మీరు తీర్మానాలు చేస్తే ఎలా? ఇటువంటి పిచ్చిపనులు ఇంకోమారు చేయొద్దు. ఆ తీర్మానాన్ని పక్కన పెట్టేయండి' అంటూ చీవాట్లు పెట్టినట్లు తెలుస్తోంది. అయితే, చంద్రబాబు రాజకీయ వ్యూహంలో భాగంగానే ఇదంతా జరుగుతోందనే మాట వినిపిస్తోంది. తనకు ఇష్టం లేదని బయటకు కనిపిస్తూనే దొడ్డిదారిన పార్టీలోకి నారా లోకేష్‌ను తేవడానికి చంద్రబాబు ప్రయత్నిస్తున్నారనే మాట వినిపిస్తోంది.

English summary

TDP president N Chandrababu Naidu expressed anguish at Chandragiri segment party leaders for passing a resolution on his son Nara Lokesh political entry.