పంచెకట్టుతో మహానాడుకు వచ్చిన చంద్రబాబునాయుడు

By Srinivas

Published: Sunday, May 29, 2011, 11:15 [IST]

హైదరాబాద్: తెలుగుదేశం పార్టీ అధినేత నారా చంద్రబాబునాయుడు ఆదివారం పంచెకట్టులో కనిపించారు. మూడు రోజుల మహానాడు కార్యక్రమంలో భాగంగా ముగింపు రోజైన ఆదివారం నాడు చంద్రబాబు మహానాడు కార్యక్రమానికి పంచెకట్టులో వచ్చి అందరినీ ఆశ్చర్యానికి గురి చేశారు. కాగా ఆఖరి రోజు ముఖ్యమైన రాజకీయ తీర్మానం ఆమోదం పొందనుంది. రెండోరోజు సమయాభావంతో మిగిలి పోయిన తీర్మానాలను ఆమోదించనున్నారు. సంక్షేమ తీర్మానాలు, ఎన్నికల సంస్కరణలు, సంస్థాగత విషయాలు తదితరాలపై తీర్మానాలు చేయనున్నారు.

కాగా ముగింపు రోజైనా తెలంగాణపై తీర్మానం చేయించాలని తెలంగాణ ప్రాంతానికి చెందిన తెలుగుదేశం పార్టీ శాసనసభ్యులు పలువురు ప్రయత్నాలు చేస్తున్నారు. నాగం జనార్దన్ రెడ్డి కూడా టిడిపి తెలంగాణ ఎమ్మెల్యేలకు అధినేతపై ఒత్తిడి తీసుకు రావాల్సిందిగా ఎస్సెమ్మెస్‌లు కూడా చేశారు.

Published On May 29, 2011