మహానాడులో ఆశించాం, కానీ తీర్మానం చేయలేదు: కోదండరామ్

By Srinivas

Published: Sunday, May 29, 2011, 13:55 [IST]

న్యూఢిల్లీ: తెలుగుదేశం పార్టీ తన మహానాడు ఉత్సవంలో ప్రత్యేక తెలంగాణ రాష్ట్రంపై తీర్మానం చేస్తుందని ఆశించామని తెలంగాణ ఐక్య కార్యాచరణ సమితి చైర్మన్ ప్రొఫెసర్ కోదండరామ్ ఆదివారం న్యూఢిల్లీలో ఓ న్యూస్ ఛానల్‌తో మాట్లాడుతూ అన్నారు. అయితే నాలుగు కోట్ల తెలంగాణ ప్రజల ఆకాంక్ష అయిన తెలంగాణకు మహానాడులో టిడిపి తీర్మానం చేయక పోవడం పట్ల ఆయన అసంతృప్తి వ్యక్తం చేశారు. టిడిపి తీర్మానం వల్ల ఒరిగేదేమీ లేక పోయినా ఆ పార్టీ విధానం స్పష్టమయ్యేదని ఆయన అభిప్రాయపడ్డారు.

ప్రత్యేక తెలంగాణపై టిడిపి ఖచ్చితమైన వైఖరి వెల్లడించి ఉంటే కేంద్రంపై మరింత ఒత్తిడి పెరిగేదని ఆయన అభిప్రాయపడ్డారు. కాంగ్రెసు మోసపూరిత వైఖరి, తెలుగుదేశం ద్వంద్వ విధానాలకు వ్యతిరేకంగా భవిష్యత్తు కార్యాచరణ ఖరారు చేస్తామని కోదండరామ్ చెప్పారు.

Published On May 29, 2011