నాగంకు దిమ్మతిరిగే సమాధానమిచ్చిన తెలంగాణ టిడిపి ఎమ్మెల్యేలు

By Srinivas

Published: Sunday, May 29, 2011, 12:55 [IST]

హైదరాబాద్: తెలుగుదేశం పార్టీ సస్పెండెడ్ శాసనసభ్యుడు నాగం జనార్దన్ రెడ్డికి ఆ పార్టీ తెలంగాణ శాసనసభ్యులు దిమ్మ తిరిగే సమాధానం ఇచ్చారు. మూడు రోజుల మహానాడు కార్యక్రమంలో భాగంగా చివరి రోజైన ఆదివారం నాడు తెలంగాణకు అనుకూలంగా తీర్మానం చేయించేలా అధినేత చంద్రబాబునాయుడుపై ఒత్తిడి తీసుకు రావాలని నాగం ఆదివారం ఉదయం తెలంగాణ టిడిపి ఎమ్మెల్యేలకు ఎస్సెమ్మెస్‌లు చేసిన విషయం తెలిసిందే. అందుకు వారు మీ సలహాలా మాకొద్దు. ప్రత్యేక తెలంగాణ రాష్ట్రం కోసం ఏం చేయాలో మాకు తెలుసంటూ సమాధానమిచ్చారు.

కాగా సీనియర్ నాయకుడిగా ఉన్న నాగం జనార్దన్ రెడ్డి ఇలాంటి తప్పులు చేయవద్దని ఆ పార్టీ సీనియర్ నేత సండ్ర వెంకట రామయ్య సూచించారు. చంద్రబాబుకూ క్షమాపణలు చెప్పి తిరిగి పార్టీలోకి రావచ్చని ఆయన నాగంకు సూచించారు.

Published On May 29, 2011