జగన్ ఇంటి ముందు హిజ్రాల లొల్లి: నెట్టివేసిన సెక్యూరిటీ సిబ్బంది

By Srinivas

Published: Wednesday, June 1, 2011, 18:01 [IST]

హైదరాబాద్: కడప పార్లమెంటు సభ్యుడు, వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి ఇంటి ముందు బుధవారం పలువురు హిజ్రాలు గలాబా సృష్టించారు. బుధవారం మధ్యాహ్నం సమయంలో కొందరు హిజ్రాలు హైదరాబాదులోని జగన్ ఇంటి వద్దకు వచ్చి డబ్బులు ఇవ్వాల్సిందిగా పట్టుబట్టారు. వైయస్ఆర్ కాంగ్రెసు పార్టీ సమావేశాలు రెండో రోజు కొనసాగుతున్నందున పలువురు నేతలు వచ్చారు. వారందరినీ డబ్బులు ఇవ్వాల్సిందిగా పట్టుబట్టారు.

అయితే వారు ఎంతకూ అక్కడి నుండి కదలక పోవడంతో మాజీ మంత్రి బాలినెని శ్రీనివాస్ రెడ్డి వారికి డబ్బులు ఇచ్చారు. అయినప్పటికీ ఆయనను వారు వదలలేదు. దీంతో ఆగ్రహం వ్యక్తం చేసిన సెక్యూరిటీ వారిని అక్కడి నుండి నెట్టి వేయడం కొసమెరుపు.

Published On June 1, 2011