జడ్జిపై ఆరోపణలకు లాయర్‌కు జైలు, విజయవాడ కోర్టులో విచిత్రం

By Pratap

Published: Tuesday, May 29, 2012, 11:54 [IST]

విజయవాడ: విజయవాడలో బుధవారం విచిత్ర సంఘటన చోటు చేసుకుంది. తనపై ఆరోపణలు చేసిన న్యాయవాదికి న్యాయమూర్తి జైలు శిక్ష విధించారు. లంచం తీసుకున్నాడంటూ వసంత కుమార్ అనే న్యాయవాది న్యాయమూర్తి శ్రీనివాస్‌పై ఆరోపణ చేశాడు. దీనికి ఆగ్రహించిన న్యాయమూర్తి న్యాయవాది వసంత కుమార్ ఆరోపణను కోర్టు ధిక్కరణ కింద తీసుకున్నారు.

న్యాయవాది వసంతకుమార్‌కు న్యాయమూర్తి శ్రీనివాస్ వారం రోజుల పాటు జైలు శిక్ష విధించారు. న్యాయవాదిపై నాన్ బెయిలబుల్ అరెస్టు వారంట్ జారీ చేశారు. న్యాయవాది వసంతకుమార్‌ను వెంటనే అరెస్టు చేయాలని పోలీసులను ఆదేశించారు. దీంతో న్యాయవాదులు ఆందోళనకు దిగారు. విధులను బహిష్కరించారు. న్యాయమూర్తి శ్రీనివాస్‌ను బదిలే చేసే వరకు తాము విధులకు హాజరు కాబోమని వారు చెప్పారు.

Published On May 29, 2012