పుట్టపర్తి సత్య సాయి బాబా వ్యక్తిగత మందిరంలో ఏముంది?

పుట్టపర్తి: తాళాలు వేసి ఉన్న పుట్టపర్తి సత్య సాయి బాబా వ్యక్తిగత మందిరం యజుర్ మందిర్‌లో ఏమందనేది ఆసక్తికరంగా మారింది. ఇందులో నిధి ఉండవచ్చుననే ఊహాగానాలు కూడా చెలరేగుతున్నాయి. సత్య సాయి బాబా ఆస్పత్రిలో చేరినప్పటి నుంచి అందులోకి ఇతరులెవరూ ప్రవేశించలేదు. ఆ మందిరం తాళపు చెవులు సత్య సాయిబాబా వ్యక్తిగత సహాయకుడు సత్యజిత్ వద్ద ఉండేవి. సత్య సాయిబాబా తనువు చాలించన తర్వాత ఆయన వాటిని సత్య సాయి సెంట్రల్ ట్రస్టు కార్యదర్శి కె. చక్రవర్తికి అప్పగించారు.

మీడియా కథనాల ప్రకారం - సాయి బాబా యజర్ మందిర్‌లో పెద్ద యెత్తున బంగారం, బహుమతులు, కోట్లాది రూపాయల నగదు ఉన్నాయి. వాటిని భక్తులు బాబాకు సమర్పించినవని చెబుతున్నారు. ఆ మందిర్‌ను తెరిచే విషయంపై సత్య సాయి సెంట్రల్ ట్రస్టు ఏ విధమైన నిర్ణయమూ తీసుకోలేదు. ప్రభుత్వం ఓ ప్రత్యేకాధికారిని నియమించాలని, ఆ ప్రత్యేకాధికారి సమక్షంలో తలుపులు తెరుస్తామని ట్రస్టు సభ్యులు రాష్ట్ర ప్రభుత్వానికి చెప్పినట్లు సమాచారం.

English summary

Suspense is deepening about what lies behind the sealed doors of departed spiritual leader Sathya Sai Baba’s personal residence, the Yajur Mandir, even as speculation is rife that about presence of a treasure.