ప్రియురాలిని హత్య చేసిన వ్యక్తి, అక్రమ సంబంధమే కారణం

By Pratap

Published: Friday, June 3, 2011, 18:23 [IST]

గుంటూరు: గుంటూరు జిల్లాలో దారుణం చోటు చేసుకుంది. ఓ ప్రియుడు తన ప్రియురాలిని హత్య చేశాడు. హత్య చేసి ఆమె శరీరాన్ని కిరోసిన్ పోసి తగులపెట్టాడు. ఈ సంఘటన గుంటూరు జిల్లాలోని రేటూరు గ్రామంలో జరిగింది. రేటూరుకు చెందిన షర్మిల అనే మహిళకు నాగూర్ అనే వ్యక్తితో వైవాహికేతర సంబంధం కొనసాగుతోంది. షర్మిల తన భర్తకు విడాకులు ఇచ్చి, నాగూర్‌తో ఉంటోంది. షర్మిలను నాగూర్ గత రాత్రి హత్య చేసి, ఆమె మృతదేహాన్ని కిరోసిన్ పోసి తగులబెట్టాడు.

గత రాత్రి షర్మిల, నాగూర్ గొడవ పడ్డారని స్థానికులు చెబుతున్నారు. షర్మిల వద్ద కొన్ని డబ్బులున్నాయని, ఆ డబ్బులు ఇవ్వాలని అతను పట్టుబట్టాడని, అందుకు ఆమె నిరాకరించడంతో హత్య చేశాడని అంటున్నారు. నాగూర్ పరారీలో ఉన్నట్లు తెలుస్తోంది. పోలీసులు నాగూర్ భార్యను అదుపులోకి తీసుకుని ప్రశ్నిస్తున్నారు.

Published On June 3, 2011