చిరుకు ఆజాద్ హామీ, విలీనంపై నిర్ణయం: ఇదే రేపటి భేటీ ఉద్దేశ్యం!

హైదరాబాద్: పదవుల విషయంలో ప్రజారాజ్యం పార్టీకి అన్యాయం జరగదని ఆ పార్టీ అధ్యక్షుడు చిరంజీవికి కేంద్రమంత్రి, ఆంధ్రప్రదేశ్ రాష్ట్ర వ్యవహారాల పరిశీలకుడు గులాం నబీ ఆజాద్ హామీ ఇవ్వనున్నట్లుగా తెలుస్తోంది. సోమవారం సాయంత్రం చిరంజీవి, ప్రజారాజ్యం పార్టీకి చెందిన ముఖ్య నేతలతో ఆజాద్ భేటీ కానున్నట్టు తెలుస్తోంది. ఆ సమావేశంలో ఆజాద్ చిరంజీవికి, పిఆర్పీ నేతలకు విలీనం తర్వాత పదవులపై హామీ ఇవ్వనున్నట్లుగా తెలుస్తోంది. కాంగ్రెసులో విలీనం జరిగాక చిరంజీవి, ఆయన మద్దతుదారులకు పార్టీలో ప్రధాన్యతపై చర్చించే అవకాశం ఉన్నట్లుగా తెలుస్తోంది.

అంతేకాకుండా ఈ భేటీలో కాంగ్రెసులో పిఆర్పీ విలీనం తేది కూడా ఖరారయ్యే అవకాశం ఉన్నట్టు తెలుస్తోంది. అయితే సోమవారం భేటీ అనంతరం ఆజాద్ అమెరికా పర్యటనకు వెళుతున్న కారణంగా ఆయన పర్యటన ముగించుకొని తిరిగి వచ్చిన తర్వాత చిరంజీవి, ముఖ్యనేతలతో మరోసారి సమావేశం కానున్నారని తెలుస్తోంది.

English summary

It seems central minister Gulam Nabi Azad may promise to Chiranjeevi and PRP leaders on posts.