జనార్దన్ ద్వివేదిపైకి బూటు విసరబోయిన రాజస్థాన్ జర్నలిస్టు

న్యూఢిల్లీ: సునీల్ కుమార్ అనే రాజస్థాన్‌కు చెందిన జర్నలిస్టు కాంగ్రెసు అధికార ప్రతినిధి జనార్దన్ ద్వివేదీ మీదికి బుటు విసిరేందుకు ప్రయత్నించాడు. సోమవారం మీడియా సమావేశంలో మాట్లాడుతున్న సమయంలో ఆ వ్యక్తి ఈ దాడికి ప్రయత్నించాడు. సునీల్ కుమార్‌ను కాంగ్రెసు కార్యకర్తలు పట్టుకుని చితకబాదారు. ఆ తర్వాత భద్రతాధికారులు అతన్ని అదుపులోకి తీసుకున్నారు. సంఘటనపై ఏం చెప్పాలో తనకు అర్థం కావడం లేదని, పక్కా ప్రణాళిక ప్రకారమే ఈ ప్రయత్నం జరిగిందని జనార్దన్ ద్వివేది అన్నారు. ఢిల్లీలోని కాంగ్రెసు కేంద్ర కార్యాలయంలో ఈ సంఘటన చోటు చేసుకుంది.

బాబా రామ్‌దేవ్‌ను రామ్‌లీలా మైదానం నుంచి తరలించినందుకు నిరసనగా సునీల్ కుమార్ ఆ ప్రయత్నం చేసినట్లు చెబుతున్నారు. సునీల్ కుమార్ రాష్ట్రీయ స్వయంసేక్ సంఘ్ (ఆర్ఎస్ఎస్)కు దగ్గరగా ఉంటారని, అందుకే ద్వివేదిపైకి బూటు విసరడానికి ప్రయత్నించారని అంటున్నారు. సునీల్ కుమార్ ప్రయత్నానికి గల కారణాలపై అధికారులు ఆలోచిస్తున్నారు.

English summary

A man, posing as a journalist, tried to attack Congress spokesman Janardhan Dwivedi with a shoe during a press conference in Delhi.