• search
  • Live TV
హైదరాబాద్ వార్తల కోసం
నోటిఫికేషన్స్ పై క్లిక్ చేయండి  

కిరణ్ కుమార్ రెడ్డితో బొత్స సత్యనారాయణ నెట్టుకు రాగలరా?

By Pratap
|

Botsa Satyanarayana-Kiran Kumar Reddy
హైదరాబాద్: ప్రదేశ్ కాంగ్రెసు కమిటీ (పిసిసి) అధ్యక్షుడిగా నియమితులైన బొత్స సత్యనారాయణ ముఖ్యమంత్రి కిరణ్ కుమార్ రెడ్డితో నెట్టుకు రాగలరా అనే ప్రశ్న ఉదయిస్తోంది. ఇరువురి మధ్య ఇప్పటికే విభేదాలున్నాయి. కిరణ్ కుమార్ రెడ్డి పనితీరు పట్ల మంత్రిగా ఉన్న బొత్స సత్యనారాయణ అసంతృప్తి వ్యక్తం చేసిన సందర్భాలు కూడా ఉన్నాయి. శాఖల కేటాయింపుల విషయంలో బొత్స సత్యనారాయణ ముఖ్యమంత్రికి వ్యతిరేకంగా సీనియర్ మంత్రులను కూడగట్టిన విషయం కూడా అందరికీ తెలిసిందే. దీన్ని బట్టి, ఇరువురి మధ్య సరైన అవగాహన లేదనే విషయం అర్థమవుతూనే ఉన్నది.

కడప, పులివెందుల ఉప ఎన్నికల విషయంలో ముఖ్యమంత్రి అనుసరించిన వ్యూహంపై బొత్స సత్యనారాయణ ఫలితాలు వెలువడిన తర్వాత వ్యంగ్యాస్త్రాలు విసిరారు. పిసిసి అధ్యక్షుడిగా బొత్స సత్యనారాయణను నియమించవద్దని ముఖ్యమంత్రి అధిష్టానాన్ని కూడా కోరారు. ముఖ్యమంత్రి విజ్ఞప్తిని తోసిపుచ్చుతూ కాంగ్రెసు అధిష్టానం బొత్స సత్యనారాయణను పిసిసి అధ్యక్షుడిగా నియమించింది. ఈ స్థితిలో ఇద్దరి మధ్య సమన్వయం ఎలా కుదురుతుందనేది ప్రశ్నార్థకంగానే ఉంది.

పిసిసి అధ్యక్ష పదవి నుంచి తప్పుకుంటున్న డి. శ్రీనివాస్‌తో కూడా ముఖ్యమంత్రికి సరైన సంబంధాలు లేవనే ప్రచారం ఉంది. ముఖ్యమంత్రి ఏకపక్షంగా వ్యవహరిస్తున్నారనే విమర్శ ఉంది. ముఖ్యమంత్రి పనితీరుకు బొత్స సత్యనారాయణ ఎప్పటికప్పుడు అడ్డు పడే అవకాశాలున్నాయి. ఈ స్థితిలో ఇరువురి మధ్య విభేదాలు పెరిగే అవకాశం ఉందని చెబుతున్నారు. ఏమైనా, పిసిసి పదవి బొత్స సత్యనారాయణకు కత్తి మీద సాము వంటిదే.

English summary
It is not clear weather the coordination between CM Kiran Kumar Reddy and newly appointed PCC president Botsa Satyanarayana.
న్యూస్ అప్ డేట్స్ వెంటనే పొందండి
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X