ప్రియురాలి కుమార్తెపై ప్రియుడి దాడి: మరోచోట అన్నదమ్ములపై దాడి

By Srinivas

Published: Tuesday, June 7, 2011, 10:29 [IST]

విజయవాడ/రాజమండ్రి: కృష్ణా జిల్లాలోని గుడివాడ మండలం గుడ్‌మెన్‌పేట గ్రామంలో మంగళవారం దారుణం జరిగింది. ప్రియురాలి కూతురును చంపబోయిన సంఘటన చోటు చేసుకుంది. గ్రామానికి చెందిన వెంకట్ అనే వ్యక్తి తనతో అక్రమం సంబంధం పెట్టుకున్న ఓ మహిళ కుమార్తెను రోకలి బండతో తలపై మోదాడు. దీంతో ఆ బాలిక తలకు తీవ్ర గాయం అయింది. కుటుంబ సభ్యులు ఆ బాలికను వెంటనే ఆసుపత్రికి తరలించారు.

కాగా తూర్పు గోదావరి జిల్లా కాకినాడలోని పరలోవపేటలో ప్రత్యర్థులు ఇద్దరు అన్నదమ్ములపై దాడి చేశారు. ఈ దాడిలో అన్నదమ్ములకు తీవ్ర గాయాలయ్యాయి. దాడిలో తమ్ముడు రెండు చేతులు కోల్పోయాడు. దీంతో స్థానికిలు ఆయనను వెంటనే స్థానిక ఆసుపత్రికి తరలించారు.

Published On June 7, 2011