పోలీసుల అదుపులో బాలీవుడ్ నటి మల్లికా షెరావత్ సోదరుడు

ముంబై: బాలీవుడ్ నటి మల్లికా షెరావత్ సోదరుడు విక్రమ్ లంబాను మంగళవారం ముంబయి పోలీసులు అదుపులోకి తీసుకున్నారు. అతని వద్ద విదేశీ మారక ద్రవ్యం ఉండటంతో ముంబై విమానాశ్రయంలో పోలీసులు అదుపులోకి తీసుకుని విచారిస్తున్నారు.

దుబాయి నుంచి వస్తున్న విక్రమ్ లంబా పెద్ద ఎత్తున కరెన్సీతో పాటు బ్రాండెడ్ వస్తువులను తనతోపాటు తీసుకువచ్చాడు. అయితే వాటికి కస్టమ్స్ క్లియరెన్స్ తీసుకోకపోవటంతో పోలీసులు కేసు నమోదు చేసి విచారణ జరుపుతున్నారు. గత నెలలో బాలీవుడ్ నటీమణులు బిపాసా బసు, మినీషా లాంబాలను కూడా కస్టమ్ అధికారులు ఇదే విషయంలో అదుపులోకి తీసుకుని విచారించిన విషయం తెలిసిందే.

English summary

Bollywood actress Mallika Sherawat's brother Vikram Lamba was taken into the custody by Mumbai police at airport.