తెలంగాణపై ఏం జరిగినా మాదే బాధ్యత: పొన్నం ప్రభాకర్

హైదరాబాద్: ప్రత్యేక తెలంగాణ రాష్ట్రం విషయంలో కేంద్రం నుండి ఏ ప్రకటన వచ్చినా అందుకు తమదే బాధ్యత అని కాంగ్రెసు పార్టీ పార్లమెంటు సభ్యుడు పొన్నం ప్రభాకర్ మంగళవారం స్పష్టం చేశారు. కేంద్రంపై తమకు విశ్వాసం ఉందన్నారు. గత 2009 డిసెంబర్ 9న కేంద్రమంత్రి చిదంబరం ప్రకటించిన దానికి కేంద్రం కట్టుబడి ఉంటుందని ఆయన ఆశాభావం వ్యక్తం చేశారు. 9న తెలంగాణ ప్రాంత ప్రజాప్రతినిధులం అందరం కలిసి న్యూఢిల్లీ వెళతామని చెప్పారు.

అధిష్టానాన్ని తెలంగాణ ఇవ్వాల్సిందిగా అడుగుతామని చెప్పారు. కేంద్రం తెలంగాణకు అనుకూలంగా లేకుంటే అవసరమైతే ఆమరణ నిరాహార దీక్షకు కూడా తాము సిద్ధంగా ఉన్నామని చెప్పారు. కేంద్రమంత్రి, రాష్ట్ర వ్యవహారాల ఇంఛార్జ్ గులాం నబీ ఆజాద్ తెలంగాణపై చేసిన వ్యాఖ్యలను తప్పు పట్టవద్దని ఆయన కోరారు.

English summary

MP Ponnam Prabhakar said today that congress leaders will response for Telangana. He said they will go New Delhi on 9th for ask high command.