చిన్ననాటి స్నేహితుడు సురేష్‌తో సిపిఐ ఎమ్మెల్యే చంద్రావతి పెళ్లి

హైదరాబాద్: ఖమ్మం జిల్లా వైరా నియోజకవర్గం యువ శాసనసభ్యురాలు చంద్రావతి వివాహం తన చిన్ననాటి స్నేహితుడు, ప్రముఖ సాఫ్టువేర్ ఇంజనీర్ సురేష్‌తో బుధవారం ఉదయం 11 గంటల సమయంలో సిపిఐ నేతలు, కార్యకర్తలు, అసెంబ్లీ సభాపతి నాదెండ్ల మనోహర్ సమక్షంలో సంప్రదాయ బద్దంగా జరిగింది. సిపిఐ రాష్ట్ర కార్యదర్శి నారాయణ పెళ్లి పెద్దగా వ్యవహరించగా, సభాపతి నాదెండ్ల మనోహర్ సాక్షి సంతకం చేశారు. కాగా ప్రస్తుత రాష్ట్ర శాసనసభ్యులలో అతి పిన్న వయస్సురాలైన చంద్రావతి 2009 సాధారణ ఎన్నికలలో సిపిఐ అభ్యర్థిగా విజయం సాధించింది.

చంద్రావతిది ప్రేమ వివాహం కావడం విశేషం. ఈ పెళ్లిని పెద్దలు అంగీకరించలేదు. దీంతో ఆమెకు సిపిఐ నేత నారాయణ తదితరులు అండగా నిలిచారు. చంద్రావతి, సురేష్ పెళ్లి హైదరాబాదులోని ఓ హోటల్‌లో జరిగింది. పెళ్లికి పలువురు ప్రముఖులు హాజరు కాగా నిడారంబరంగా జరిగింది.

English summary

Khammam district MLA Chandravathi was married her school friend and software engineer Suresh today in Hyderabad. CPI state secrecy Narayana, Speaker Nadendla was attended.