వైయస్ హయాంలో అవినీతి నిజమే కానీ... : ఎంపీ సర్వే సత్యనారాయణ

By Srinivas

Published: Thursday, June 9, 2011, 11:59 [IST]

హైదరాబాద్: దివంగత ముఖ్యమంత్రి వైయస్ రాజశేఖరరెడ్డి హయాంలో రాష్ట్రంలో భారీ దోపిడి జరిగిన మాట నిజమే అని కాంగ్రెసు పార్టీ పార్లమెంటు సభ్యుడు సర్వే సత్యనారాయణ గురువారం స్పష్టం చేశారు. అయితే వైయస్ హయాంలో దోపిడీ జరిగినప్పటికీ అధిష్టానానికి ముడుపులు అందాయన్న వ్యాఖ్యల్లో ఎలాంటి నిజం లేదని ఆయన అన్నారు. ఆమోస్, యాదవరెడ్డి ఫిర్యాదును ఆయన ఖండించారు. ప్రదేశ్ కాంగ్రెసు కమిటీ అధ్యక్షుడిగా నూతనంగా ఎన్నికైన బొత్స సత్యనారాయణ హయాంలో కాంగ్రెసు పార్టీ రాష్ట్రంలో మరింత బలోపేతం అవుతుందని ఆయన ఆశాభావం వ్యక్తం చేశారు.

బొత్స నేతృత్వంలో కాంగ్రెసుకు ఉజ్జ్వల భవిష్యత్తు ఉంటుందన్నారు. ప్రత్యేక తెలంగాణ రాష్ట్రం ఇవ్వాల్సిందేనని తాము మరోసారి అధిష్టానాన్ని గట్టిగా కోరతామని ఆయన అన్నారు. బోడుప్పల్ సబ్ స్టేషన్ అధికారి వ్యవహార శైలి నచ్చకనే తాను బుధవారం ఆయనను కోప్పడ్డానని సర్వే చెప్పారు.

Published On June 9, 2011