యుపతి గొంతు కోసిన ప్రేమోన్మాది, కాకినాడలో జరిగిన దారుణం

By Pratap

Published: Friday, June 10, 2011, 9:38 [IST]

కాకినాడ‌: తూర్పు గోదావరి జిల్లాలో ఓ ప్రమోన్మాది బీభత్సం సృష్టించాడు. తనను ప్రేమించడం లేదనే కోపంతో ఓ యువకుడు యువతి గొంతు కోశాడు. అనంతరం అతను ఆత్మహత్య యత్నానికి ప్రయత్నించాడు. ఇద్దరిని కాకినాడ ప్రభుత్వాస్పత్రిలో చేర్చారు. ఆ ఇద్దరు కూడా ప్రాణాపాయం నుంచి బయటపడ్డారని వైద్యులు చెప్పారు. కృష్ణంరాజు అనే యువకుడు ఓలేటి వీరలక్ష్మి అనే యువతి వెంట పడుతున్నాడు. తనను ప్రేమించాలని ఒత్తిడి తెస్తున్నాడు. వీరలక్ష్మి నిరాకరిస్తూ వస్తోంది.

వీరలక్ష్మికి మరో యువకుడితో పెళ్లి కుదిరింది. దీంతో కోపాన్ని పట్టలేక కృష్ణంరాజు శుక్రవారం ఉదయం యువతి ఇంటికి వచ్చాడు. యువతిపై దాడి చేసి కత్తితో మెడపై కోశాడు. మెడ ఇరువైపులా కోశాడు. దాంతో ఆమె కింద పడిపోయింది. ఆమె చనిపోయిందని భావించిన అతను ఆత్మహత్యయత్నానికి దిగాడు. ఈ సంఘటన స్థానికంగా తీవ్ర సంచలనం సృష్టించింది.

Published On June 10, 2011