అండర్ వరల్డ్ డాన్‌పై స్టోరీ చేస్తున్న మిడ్ డే జర్నలిస్టు హత్య

By Srinivas

Published: Saturday, June 11, 2011, 17:11 [IST]

ముంబయి: సీనియర్ క్రైమ్ రిపోర్టర్ జ్యోతిర్మయి డే(జేడే) శనివారం మధ్యాహ్నం సమయంలో ముంబయిలోని పొవాయి ప్రాంతంలో హత్య గావింప పడ్డాడు. జేడే మిడ్ అనే పత్రికలో క్రైమ్ రిపోర్టర్‌గా పని చేస్తున్నారు. ఇతను అండర్ వరల్డ్ వార్తలను కవర్ చేసేవాడు. ఓ పనిపై బయటకు వెళ్లిన జేడే తిరిగి తన ఇంటికి ద్విచక్ర వాహనంపై వస్తుండగా కొందరు ఆయనను కాల్చారు. దీంతో ఆయన తీవ్రంగా గాయపడ్డారు.

తీవ్రంగా గాయపడ్డ జేడేను హీరానందాని వైద్యశాలకు తరలించారు. అయితే జేడే సంఘటనా స్థలంలోనే చనిపోయినట్లు వైద్యులు చెప్పారు. అయితే జేడేని ఎందుకు చంపారో సరియైన కారణాలు ఇప్పటికి తెలియరాలేదు. ఎవరూ చంపారనే విషయంపై కూడా స్పష్టత రానట్లుగా తెలుస్తోంది. అయితే ఇతను క్రైమ్ రిపోర్టర్ అందులోనూ అండర్ వరల్డ్ వార్తలను కవర్ చేసే వాడు కాబట్టి ఆయన గ్యాంగ్స్ అండ్ క్రైమ్స్ అనే పేరుతో అండర్ వరల్డ్ మాఫియాపై ఓ స్టోరీ చేస్తున్నట్టుగా తెలుస్తోంది.

Published On June 11, 2011