అసంతృప్తిగానే దేవాదాయ శాఖ బాధ్యతలు స్వీకరించిన పొన్నాల

హైదరాబాద్: ఐటి శాఖ మంత్రి పొన్నాల లక్ష్మయ్య ఎట్టకేలకు దేవాదాయ శాఖ అదనపు బాధ్యతలను శనివారం స్వీకరించారు. సచివాలయంలో ఆయన బాధ్యతలను చేపట్టారు. దేవాదాయ శాఖ మంత్రిగా ఉన్న జూపల్లి కృష్ణారావు తన పదవికి రాజీనామా చేశారు. తాను ప్రత్యేక తెలంగాణ సాధన కోసమే మంత్రి పదవికి రాజీనామా చేసినట్టు చెప్పారు. తెలంగాణ సాధన కోసం ఆయన పాదయాత్ర కూడా చేపట్టారు. జూపల్లి రాజీనామా నేపథ్యంలో ఆ బాధ్యతలను ముఖ్యమంత్రి కిరణ్ కుమార్ రెడ్డి పొన్నాల లక్ష్మయ్యకు అప్పగించారు.

అయితే పొన్నాలకు బాధ్యతలు అప్పగించినప్పటికీ ఆయన కొన్నాళ్లుగా స్తబ్దగా ఉంటూ వస్తున్నారు. దీంతో పొన్నాల బాధ్యతలు చేపడతారా లేరా అనే ప్రశ్న ఉదయించింది. ఈ రోజు ఉదయం ముఖ్యమంత్రి క్యాంపు కార్యాలయంలో సిఎంను కలిసిన పొన్నాల ఎట్టకేలకు ఉదయం దేవాదాయ శాఖ బాధ్యతలు చేపట్టారు. అయితే ఆయన అసంతృప్తిగానే బాధ్యతలు చేపట్టినట్లుగా తెలుస్తోంది. దేవాదాయ శాఖ చేపట్టిన మంత్రి ఎవరైనా రాజకీయంగా కనుమరుగు అవుతారనే కథనాల నేపథ్యంలో ఆ శాఖను చేపట్టడానికి అందరూ వెనక్కి పోతుంటారు.

English summary

Ponnala Laxmaiah take devadaya ministry responsibilities today in Hyderabad. He met CM Kiran Kumar Reddy before take over responsibilities.