స్థానిక ఎన్నికల నోటిఫికేషన్ ఇవ్వకండి: ఈసికి హైకోర్టు ఆదేశం

హైదరాబాద్: స్థానిక సంస్థల నోటిఫికేషన్ మంగళవారం వరకు ఇవ్వవద్దని రాష్ట్ర అత్యున్నత న్యాయస్థానం సోమవారం రాష్ట్ర ఎన్నికల సంఘాన్ని ఆదేశించింది. రాష్ట్ర ప్రభుత్వం కూడా రిజర్వేషన్ విధానంపై తన పూర్తి నివేదికను కోర్టుకు సమర్పించాలని హైకోర్టు రాష్ట్ర ప్రభుత్వాన్ని, ఎన్నికల సంఘాన్ని ఆదేశించింది. కాగా స్థానిక సంస్థల ఎన్నికలలో 50 శాతం రిజర్వేషన్ మించరాదని సుప్రీం కోర్టు తీర్పు ఇచ్చిన విషయం తెలిసిందే. అయితే రాష్ట్ర పరిస్థితుల దృష్ట్యా రాష్ట్ర ప్రభుత్వం 60 శాతం రిజర్వేషన్లతో స్థానిక సంస్థల ఎన్నికల నిర్వహణకు పూనుకుంది.

దీనిపై రాష్ట్ర సర్పంచుల సంఘం హైకోర్టును ఆశ్రయించింది. మూడు రోజుల క్రితం వాద ప్రతివాదనలు విన్న కోర్టు విచారణను వాయిదా వేసింది. సోమవారం కూడా వాదనలు జరిగాయి. అనంతరం కోర్టు తీర్పును రేపటికి వాయిదా వేస్తూ ఎన్నికల సంఘాన్ని నోటిఫికేషన్ ఇవ్వవద్దని ఆదేశించింది.

English summary

High Court ordered election commission that to do not pass election notification up to 14th of this month. Court also ordered government to show reservations copy.