బొత్స అవినీతి గురించి వైయస్‌కు తెలియదు: సిసి రెడ్డి

By Srinivas

Published: Tuesday, June 14, 2011, 13:44 [IST]

హైదరాబాద్: ప్రదేశ్ కాంగ్రెసు కమిటీ అధ్యక్షుడు బొత్స సత్యనారాయణ పెద్ద అవినీతిపరుడు అని ఆయన అవినీతిపరుడు అని దివంగత ముఖ్యమంత్రి వైయస్ రాజశేఖరరెడ్డికి తెలియదని మాజీ ప్రభుత్వ సలహాదారు, వైయస్ఆర్ కాంగ్రెసు పార్టీ నేత సిసి రెడ్డి మంగళవారం విమర్శించారు. బొత్స అవినీతితో వైయస్‌కు ఎలాంటి సంబంధం లేదన్నారు. వ్యోక్స్ వ్యాగన్‌కు బొత్సకు సంబంధం ఉందని సిసి రెడ్డి ఆరోపించారు. బొత్స ప్రభుత్వ సలహాదారులను విమర్శించడం సరికాదన్నారు.

రైతులు కష్టాల్లో ఉన్న ఈ సమయంలో విందులు, వినోదాలా అని ఆయన బొత్సను ప్రశ్నించారు. బొత్స అజ్ఞాని, అహంభావి అన్నారు. కాంగ్రెసులో బొత్స వర్గ పోరును ప్రోత్సహిస్తున్నారని ఆరోపించారు. అమలాపురం పార్లమెంటు సభ్యుడు హర్షకుమార్ పార్టీ అధిష్టానానికి రాసిన లేఖకు బొత్స వివరణ ఇవ్వాలని ఆయన డిమాండ్ చేశారు.

Published On June 14, 2011