తెలంగాణ కోసం రాజీనామా, ఆమరణ నిరాహార దీక్ష: కోమటిరెడ్డి

By Srinivas

Published: Tuesday, June 14, 2011, 14:56 [IST]

హైదరాబాద్: ప్రత్యేక తెలంగాణ రాష్ట్ర సాధన కోసం తాను ఎలాంటి త్యాగానికైనా సిద్ధమని మంత్రి కోమటిరెడ్డి వెంకటరెడ్డి మంగళవారం అన్నారు. కాంగ్రెసు పార్టీ అధిష్టానం జూలై 1 లోపు తెలంగాణ ప్రకటించకుంటే తాను తనతో పాటు తెలంగాణ ప్రాంత కాంగ్రెసు పార్టీ ఎమ్మెల్యేలం అందరం పదవులకు రాజీనామా చేస్తామని అప్పటికీ దిగి రాకుంటే ఆమరణ నిరాహార దీక్షకు దిగుతామని స్పష్టం చేశారు. తెలంగాణపై అధిష్టానంతో అమీతుమీకి సిద్ధమయ్యామని అన్నారు.

ఎవరు వద్దని తనకు చెప్పినా తెలంగాణ కోసం బహిరంగంగానే మాట్లాడుతానని అన్నారు. తనకు పదవుల కంటే తెలంగాణ ముఖ్యమని అన్నారు. తన పదవి పోతుందని తాను అధిష్టానాన్ని గట్టిగా హెచ్చరించడం లేదన్నారు. గతంలో కూడా తన పదవి పోతుందని చెప్పారని గుర్తు చేశారు. తనకు పదవి కాదని తెలంగాణనే ముఖ్యమన్నారు. కాంగ్రెసు పార్టీపై తనకు నమ్మకం ఉందని చెప్పారు.

Published On June 14, 2011