ఎస్సీ హాస్టల్ వార్డెన్ ఇళ్లపై ఎసిబి దాడులు: రూ.కోటి ఆస్తులు గుర్తింపు

By Srinivas

Published: Thursday, June 16, 2011, 11:54 [IST]

ఓ హాస్టల్ వార్డెన్ అక్రమంగా కోటి రూపాయల ఆస్తులు కూడబెట్టుకున్న వైనం నల్గొండ జిల్లాలో గురువారం బయటపడింది. నల్గొండ జిల్లాలోని పెద్దాపురం గ్రామంలోని ఎస్సీ హాస్టల్‌లో పని చేస్తున్న లాల్ సింగ్ అనే వ్యక్తి ఇళ్లపై గురువారం ఉదయం అవినీతి నిరోధక శాఖ అధికారులు దాడి చేశారు. ఆయన ఇళ్లలో కోటి రూపాయల ఆస్తుల వరకు ఎసిబి అధికారులు కనుగొన్నారు. లాల్ సింగ్ ఈ ఆస్తులను అక్రమంగా కూడబెట్టినట్లు అధికారులు కనుగొన్నారు.

ఎస్సీ హాస్టల్‌లో పని చేస్తున్న లాల్ సింగ్‌కు హైదరాబాద్, నల్గొండ జిల్లాలోని పులిచెర్ల, నాగార్జున సాగర్ తదితర ప్రాంతాల్లో ఇళ్లు ఉన్నాయి. అవినీతి నిరోధక శాఖ అధికారులు ఆయనకు చెందిన మూడు జిల్లాలోని ఇళ్లపై ఏకకాలంలో దాడులు చేశారు. ఈ దాడిలో వారు డబ్బుల, విలువైన పత్రాలు కనుగొన్నట్లుగా తెలుస్తోంది.

Published On June 16, 2011