మల్కన్‌గిరి కలెక్టర్ వినీల్ కృష్ణను విడిపించిన ఆర్ఎస్ రావు మృతి

By Srinivas

Published: Friday, June 17, 2011, 16:14 [IST]

న్యూఢిల్లీ: ఒరిస్సాలో మల్కన్‌గిరి కలెక్టర్ వినీల్ కృష్ణను మావోయిస్టుల చెర నుండి విడిపించడంలో కీలక పాత్ర పోషించిన మావోయిస్టు సిద్దాంతకర్త ఆర్ఎస్ రావు శుక్రవారం న్యూఢిల్లీలో మృతి చెందారు. ఆయన పూర్తి పేరు రేగులగడ్డ సోమేశ్వర రావు. ఆయన సంబల్ పూర్ విశ్వవిద్యాలయంలో ఎకనామిక్స్ ప్రొఫెసర్‌గా కూడా పనిచేశారు.

వినీల్ కృష్ణ అరెస్టు అయినప్పుడు ప్రొఫెసర్ హరగోపాల్‌తో పాటు ఇటు ప్రభుత్వానికి, అటు మావోయిస్టులకు మధ్య చర్యలు జరిపి ఆయనను విడుదల చేయించారు. ఆర్ఎస్ రావు మృతి పట్ల మానవ హక్కుల సంఘాలు తీవ్ర సంతాపం వ్యక్తం చేశాయి. ఆర్ఎస్ రావు మంచి సాహితీ వేత్త. ఆయన గతంలో అభివృద్ధి - వెలుగు నీడలు అనే పుస్తకాన్ని కూడా రాశారు.

Published On June 17, 2011