భార్యను కాపురానికి పంపించడం లేదని బావమరిదిని చంపిన బావ

By Srinivas

Published: Friday, June 17, 2011, 14:05 [IST]

ఒంగోలు: తన భార్యను బావమరిది కాపురానికి పంపించలేదన్న కారణంతో భార్య సోదరుడిని చంపిన సంఘటన ప్రకాశం జిల్లాలోని కారంచేడులో శుక్రవారం చోటు చేసుకుంది. కారంచేడుకు చెందిన పూర్ణకు చంద్రరావుతో పద్నాలుగు సంవత్సరాల క్రితం వివాహమయ్యింది. అయితే ఇరువురి మధ్య కొన్ని మనస్పర్థలు వచ్చాయి. మనస్పర్థల కారణంగా పూర్ణ పుట్టింటికి వెళ్లి పోయింది. ఆమె కొంతకాలం నుండి అక్కడే ఉంటోంది. దీంతో పూర్ణ భర్త చంద్రారావు తన భార్యను కాపురానికి పంపించాలని మామను, బావమరిదిని చంద్రరావు అడిగాడు.

దానికి వారు నిరాకరించారు. దీంతో ఆవేఖపడిన చంద్రారావు శుక్రవారం ఉదయం ఇంటి బయట నిద్రిస్తున్న బావమరిది వెంకట్రావును గొడ్డలితో నరికి చంపి పరారయ్యాడు. చంద్రరావు తరచూ మద్యం తాగివచ్చి తమ కుమార్తెను వేధిస్తుంటాడని అందువల్లే తరవాత చూద్దాం అన్నామని ఇంతలోనే ఇంతటి అఘాయిత్యానికి పాల్పడ్డాడని మృతుడి తండ్రి ఆవేదన వ్యక్తం చేస్తున్నాడు. పోలీసులు కేసు నమోదు చేసి దర్యాప్తు ప్రారంభించారు.

Published On June 17, 2011