లారీ - ఆటో ఢీ: ఇద్దరు మృతి, మరో ప్రమాదంలో మహిళ మృతి

విజయవాడ: విజయవాడలో శుక్రవారం జరిగిన రెండు ప్రమాదాల్లో ముగ్గురు చనిపోయారు. బెంజి సర్కిల్ వద్ద ఉదయం రోడ్డుమీద ఊడ్చుతున్న ఇద్దరు మహిళలను ఓ లారీ ఢీకొట్టింది. వారు తీవ్రంగా గాయపడ్డారు. దీంతో వారిని వెంటనే ప్రభుత్వ ఆసుపత్రికి తరలించారు. అందులో ఓ మహిళ చికిత్స పొందుతూ మృతి చెందగా మరో మహిళ పరిస్థితి విషమంగా ఉంది.

మహిళ మృతి చెందడంతో పారిశుద్య కార్మికులు మృతి చెందిన మహిళకు, గాయపడ్డ మహిళకు నష్టపరిహారం ఇవ్వాలని డిమాండ్ చేస్తూ ప్రభుత్వాసుపత్రి వద్ద ఆందోళనకు దిగారు. కాగా మరో ఘటనలో ఓ ఆటోను బస్సు ఢీకొనడంతో ఇద్దరు మృతి చెందారు. సూరాయపాలెంలో ఈ ప్రమాదం చోటు చేసుకుంది. ఇదే ప్రమాదంలో గాయపడిన మరొకరి పరిస్థితి విషమంగా ఉంది. ముందు వెళుతున్న ఆటోను వెనుక నుండి వచ్చిన బస్సు ఢీకొనడంతో ఈ ప్రమాదం చోటు చేసుకుంది.

English summary

Three died in an accident in Vijayawada. One sweeper was died in benz circle.