వీడిన ప్రణవ్ హత్య మిస్టరీ: డబ్బు కోసం చంపిన బెంగాళీ దంపతులు

By Srinivas

Published: Saturday, June 18, 2011, 10:14 [IST]

హైదరాబాద్: ఈ నెల 12వ తేదిన ఇంటి వద్ద నుండి అదృశ్యమై 14వ తేదిన ఆసిఫ్ నగర్‌లోని ఓ నాళాలో శవమై కనిపించిన డిఆర్‌డిఎ శాస్త్రవేత్త రామ్మోహన్ తనయుడు ప్రణవ్ హత్య మిస్టరీని పోలీసులు ఛేదించారు. పశ్చిమ బెంగాల్‌కు చెందిన దంపతులు ప్రణవ్‌ను హత్య చేసినట్లు ఒప్పుకున్నారు. ఆసిఫ్ నగర్ ప్రాంతంలో వాచ్‌మెన్‌గా పని చేస్తున్న బెంగాళీకి చెందిన రంజన్ మాలిక్, షాలినీ మాలిక్ ఈ దుర్మార్మానికి ఒడిగట్టినట్లు పోలీసులు తెలిపారు.

వీరు ఆర్థిక పరమైన ఇబ్బందుల కారణంగానే తాము డబ్బు కోసం ఈ ఘాతుకానికి పాల్పడ్డట్టు చెప్పారు. శాస్త్రవేత్తగా పని చేస్తున్న రామ్మోహన్ వద్ద చాలా డబ్బులు ఉంటాయని భావించి వారు ప్రణవ్‌ను కిడ్నాప్ చేసి రామ్మోహన్‌కు రెండుసార్లు ఫోన్ కాల్స్ కూడా చేశారు. ఈ ఫోన్ కాల్స్ ఎక్కడి నుండి వచ్చాయో పోలీసులు విచారణ చేపట్టి చివరకు నిందితులను పట్టుకున్నారు.

Published On June 18, 2011