సోనియా నోరు విప్పితేనే తెలంగాణ: టిడిపి నేత కడియం శ్రీహరి

By Srinivas

Published: Saturday, June 18, 2011, 13:21 [IST]

వరంగల్: ఏఐసిసి అధ్యక్షురాలు సోనియాగాంధీ నోరు విప్పితేనే గానీ తెలంగాణ రాష్ట్రం రాదని తెలుగుదేశం పార్టీ సీనియర్ నాయకుడు, మాజీ మంత్రి కడియం శ్రీహరి శనివారం వరంగల్ జిల్లాలో విలేకరులతో మాట్లాడుతూ అన్నారు. తెలంగాణ అంశంపై సోనియా వెంటనే నోరు విప్పాలని ఆయన డిమాండ్ చేశారు. అధికార కాంగ్రెసు పార్టీకి తెలంగాణపై స్పష్టత ఉంటే వెంటనే వచ్చే పార్లమెంటు సమావేశాలలో తెలంగాణ బిల్లు పెట్టాలని డిమాండ్ చేశారు.

తెలంగాణ కోసం అందరూ పార్టీలకతీతంగా పోరాడాల్సిన అవసరం ఉందన్నారు. తెలంగాణ సాధన కోసం ఏర్పడిన తెలంగాణ రాజకీయ ఐక్య కార్యాచరణ సమితి కేవలం తెలంగాణ రాష్ట్ర సమితికి మాత్రమే వత్తాసు పలుకుతుందని ఆరోపించారు. అలా చేయడం సరికాదన్నారు. తెలంగాణ కోసం పని చేస్తున్న అందరనీ కలుపుకొని పోవాలన్నారు. కాంగ్రెసు వారు పదవుల కోసం పాకులాడుతున్నారని ఆరోపించారు.

Published On June 18, 2011