చిరు బిచ్చగాడిలా నిలబడ్డాడు, బొత్స ఉత్తిత్తి బాబు: అంబటి రాంబాబు

గుంటూరు: తిరుపతి శాసనసభ్యుడు చిరంజీవి, ఆయన పార్టీ శాసనసభ్యులు కాంగ్రెసు పార్టీ గుమ్మం ముందు బిచ్చగాళ్లలా పదవుల కోసం నిలబడి నిరీక్షిస్తున్నారని వైయస్ఆర్ కాంగ్రెసు పార్టీ అధికార ప్రతినిధి అంబటి రాంబాబు ఆదివారం గుంటూరులో విలేకరులతో మాట్లాడుతూ విమర్శించారు. పార్టీ పెడుతున్నట్లు ప్రకటించిన తిరుపతిలోనే ప్రజారాజ్యం పార్టీ విలీన సభను పెడితే చిరంజీవిని ఆ దేవుడు కూడా క్షమించడని అన్నారు.

చిరంజీవితో పాటు ప్రజారాజ్యం పార్టీ శాసనసభ్యులు దమ్ముంటే రాజీనామా చేసి మళ్లీ గెలవాలని డిమాండ్ చేశారు. ప్రదేశ్ కాంగ్రెసు కమిటీ అధ్యక్షులుగా ఇటీవల పదవీ బాధ్యతలు చేపట్టిన బొత్స సత్యనారాయణ ఉత్తిత్తి బాబే అన్నారు. ఆయనకు బిసి రిజర్వేషన్లపై ప్రేమ లేదని విమర్శించారు.

English summary

YSR Congress party leader Ambati Rambabu said today that Chiranjeevi and his MLAs are stand at Congress gate like beggars for posts.