ముంబయి జర్నలిస్టు జ్యోతిర్మయి డే హత్యలో హైదరాబాదీ!

ముంబయి: దేశ ఆర్థిక రాజధాని ముంబయిలో గత వారం హత్య గావింపబడ్డ మిడ్ డే సీనియర్ జర్నలిస్టు జ్యోతిర్మయి డే హత్యతో హైదరాబాదుకు లింక్ ఉన్నట్టుగా తెలుస్తోంది. డే హత్య ఇండియన్ ముజాహిదీన్ తీవ్రవాద సంస్థ ఘాతుకమేనని యెమెన్ నుంచి అజ్ఞాత వ్యక్తి ఒకరు ఫోన్‌ ద్వారా తెలిపారు. ఇక్కడి పోలీసు కంట్రోల్ రూముకు శనివారం అందిన ఈ ఫోన్‌ కాల్‌పై క్రైమ్ బ్రాంచి సీనియర్ అధికారి ఒకరు ఇచ్చిన సమాచారం ప్రకారం కాల్పులు జరిపిన హంతకులలో హైదరాబాద్, బీహార్, శ్రీనగర్ వాసులు ఉన్నట్లుగా తెలుస్తోంది. ఇండియన్ ముజాహిద్దీన్ సంస్థ వీరికి రూ.4 లక్షలు కిరాయి చెల్లించి ఈ హత్య చేయించినట్లుగా తెలుస్తోంది. వీరంతా శ్రీనగర్ నుంచే వచ్చారని ఆగంతుకుడు తెలిపినా కాశ్మీర్‌లో ఇండియన్ ముజాహిదీన్ ఉనికి లేనందువల్ల దీనిపై పూర్తి నిర్ధారణకు రాలేమని సదరు అధికారి పేర్కొన్నారు.

సాయంత్రం 5:30 గంటల ప్రాంతంలో ఈ ఫోన్‌ కాల్ వచ్చింది. ఈ కేసుపై ఎవరు ఏ సమాచారం ఇచ్చినా ముఖ్యమైనదిగానే పరిగణిస్తాం. ఇప్పటికే తమ వద్ద ఉన్న 9 సీసీ టీవీ దృశ్యాలతో హత్య సంఘటనను పునర్నిర్మించాం. అలాగే 150 మంది సాక్షులను ప్రశ్నించాం అని ఆయన వివరించారు. కాగా డే ముంబయిలోని అండర్ వరల్డ్ వార్తలను కవర్ చేసేవాడు.

English summary

It seems, One Hyderabadi was participated in Mumbai Journalist jyotirmoy dey murder.