హైదరాబాద్ మా సొంతం: కవిత, రోడ్ల పైకెక్కిన కెసిఆర్, కోదండరామ్

By Srinivas

Published: Sunday, June 19, 2011, 10:52 [IST]

హైదరాబాద్: హైదరాబాద్ మా సొంతం అని అందుకే ముందుగా మా కార్యక్రమాలు హైదరాబాదు పట్టణం నుండి ప్రారంభిస్తున్నామని తెలంగాణ జాగృతి అధ్యక్షురాలు కల్వకుంట్ల కవిత ఆదివారం అన్నారు. తెలంగాణ ఐక్య కార్యాచరణ సమితి ఆధ్వర్యంలో పట్నం రోడ్లపై పొయ్యి పెడతాం కార్యక్రమంలో భాగంగా ఆమె బంజారాహిల్స్‌లో పాల్గొన్నారు. ఈ సందర్భంగా ఆమె మాట్లాడారు. దీంతో రోడ్లపై తాము పెట్టిన పొయ్యి సెగ ఢిల్లీకి తాకుతుందని ఆమె అన్నారు.

కాగా తెలంగాణ రాష్ట్ర సమితి అధ్యక్షుడు కె చంద్రశేఖరరావు క్యాన్సర్ వైద్యశాల ముందు, తెలంగాణ ఐక్య కార్యాచరణ సమితి చైర్మన్ కోదండరామ్ కుటుంబ సమేతంగా పాల్గొన్నాడు. హైటెక్ సిటీలో సిద్దిపేట శాసనసభ్యుడు హరీష్ రావు, రంగారెడ్డి కోర్టు ఎదుట న్యాయవాదులు, సికింద్రాబాదులో టిఎన్జీవో నేతలు పాల్గొన్నారు.

Published On June 19, 2011