ఓ రియల్టర్‌పై తుపాకితో మరో రియల్టర్ దాడి, విశాఖలో వార్

విశాఖపట్నం: విశాఖపట్నంలో సోమవారం సంచలన సంఘటన చోటు చేసుకుంది. ఓ రియల్టర్ మరో రియల్టర్ తుపాకీతో దాడి చేశాడు. బొత్స సురేష్ కుమార్ అనే రియల్టర్ నూకరాజు అనే మరో రియల్టర్‌ తలపై తుపాకీతో బలంగా కొట్టాడు. దీంతో నూకరాజు తీవ్రంగా గాయపడి ఆస్పత్రిలో చికిత్స పొందుతున్నాడు. ఈ దాడిలో నూకరాజు కుమారుడు రాంజీ కూడా స్వల్పంగా గాయపడ్డాడు. భూవివాదమే ఈ దాడికి కారణమని చెబుతున్నారు.

సురేష్ కుమార్ నూకరాజు ఇంటికి వచ్చి, తుపాకీతో కాల్చడానికి ప్రయత్నించాడని, అతన్ని నూకరాజు కుమారుడు రాంజీ అడ్డుకున్నాడని, ఇరు వర్గాల మధ్య ఘర్షణ చోటు చేసుకుందని, ఈ సమయంలో సురేష్ కుమార్ నూకరాజు తలపై బలంగా కొట్టాడని వివరిస్తున్నారు. సురేష్ కుమార్‌ను పోలీసులు అదుపులోకి తీసుకున్నారు. ఇతను కాంగ్రెసు నాయకుడొకరికి సన్నిహిత బంధువు అని తెలుస్తోంది.

English summary

A realtor attacked another realtor in Vishakapatnam today. Nookaraju injured, as Botsa Suresh kumar attacked with revolver.