మద్దెలచెర్వు సూరి హత్య కేసు విచారణపై గంగుల భానుమతి సంతృప్తి

By Pratap

Published: Tuesday, June 21, 2011, 16:01 [IST]

హైదరాబాద్‌: మద్దెలచెర్వు సూరి హత్య కేసు విచారణ సంతృప్తికరంగా సాగుతోందని సూరి భార్య గంగుల భానుమతి అన్నారు. కేసును సీఐడీకి అప్పగించిన తర్వాత దర్యాప్తులో పురోగతి కనిపిస్తోందని ఆమె అన్నారు. ఆమె మంగళవారం హైదరాబాద్‌లో సీఐడీ అధికారులను కలిశారు. సూరి హత్యకేసు విషయమై సీఐడీ అధికారులకు వాంగ్మూలం ఇచ్చారు. అనంతరం ఆమె మీడియాతో మాట్లాడారు. ప్రధాన నిందితుడు భానును పోలీసులు పట్టుకుంటారన్న ఆశాభావాన్ని ఆమె వ్యక్తం చేశారు.

మద్దెలచెర్వు సూరి హత్య కేసులో ప్రధాన నిందితుడు భానుకిరణ్‌ను పట్టుకోవడంలో పోలీసులు ఇప్పటి వరకు విజయం సాధించలేకపోయారు. భాను కిరణ్ ఆచూకీని త్వరలో కనుక్కుంటామని పోలీసు అధికారులు పదే పదే చెప్పినా ఫలితం కనిపించడం లేదు.

Published On June 21, 2011