మంత్రి శంకర్ రావుపై తెలంగాణవాదుల రాళ్ల దాడి: రాజీనామాకు డిమాండ్

వరంగల్: చేనేత, జౌళీ శాఖ మాత్యులు శంకర్ రావుకు బుధవారం వరంగల్ జిల్లాలో చేదు అనుభవం ఎదురయింది. మంగళవారం మృతిచెందిన తెలంగాణ సమర యోధుడు ఆచార్య జయశంకర్ భౌతికాయానికి నివాళులు అర్పించడానికి శంకర్ రావు బుధవారం వరంగల్ వెళ్లారు. అయితే హన్మకొండలో పలువురు తెలంగాణవాదులు మంత్రిని అడ్డుకొని ఆయన కారుపై రాళ్లు, మట్టితో దాడి చేశారు. తెలంగాణ వాదులు తెలంగాణకు అనుకూలంగా మంత్రికి వ్యతిరేకంగా నినాదాలు చేశారు. శంకర్ రావు వెంటనే రాజీనామా చేయాలని డిమాండ్ చేశారు.

అయితే తెలంగాణవాదులను పోలీసులు అడ్డుకునే ప్రయత్నం చేశారు. దీంతో పరిస్థితి ఉద్రిక్తంగా మారింది. పోలీసులకు, తెలంగాణవాదులకు మధ్య కాస్త తోపాలాట జరిగింది. చివరకు పోలీసుల రక్షణ మధ్య శంకర్ రావు అక్కడి నుండి బయటపడగలిగాడు. అనంతరం అదే పోలీసుల రక్షణ వలయంలో జయశంకర్ భౌతికాయానికి నివాళులు అర్పించారు.

English summary

Telanganites were attacked on minister Shankar Rao car today at Hanmakonda of Warangal district. They demanded him to resign for Telangana.