చిరంజీవికి వ్యతిరేకంగా నేను మాట్లాడలేదు: నేదురుమల్లి జనార్దన్ రెడ్డి

హైదరాబాద్: తాను ప్రజారాజ్యం పార్టీ అధ్యక్షుడు చిరంజీవికి వ్యతిరేకంగా మాట్లాడలేదని, ఈ విషయంపై పార్టీ అధిష్టానానికి వివరణ ఇస్తానని కాంగ్రెసు సీనియర్ నాయకుడు నేదురుమల్లి జనార్దన్ రెడ్డి స్పష్టం చేశారు. ప్రజారాజ్యం పార్టీని కాంగ్రెసులో విలీనం చేయడం మంచిదని, కాంగ్రెసులో చిరంజీవికి సముచిత స్థానం ఇవ్వాలని తాను చెప్పానని ఆయన వివరించారు. ముఖ్యమంత్రి కిరణ్ కుమార్ రెడ్డి ఎవరి సలహాలు తీసుకోరని కూడా తాను అనలేదని ఆయన వివరించారు. ముఖ్యమంత్రి కిరణ్ కుమార్ రెడ్డికి, పిసిసి అధ్యక్షుడు బొత్స సత్యనారాయణకు ఆయన కితాబు ఇచ్చారు.

రెడ్లు వైయస్ జగన్‌ నాయకత్వంలోని వైయస్సార్ కాంగ్రెసు పార్టీలో చేరుతారని అనడం సమంజసం కాదని ఆయన అన్నారు. పాదయాత్ర సందర్భంగా దివంగత నేత వైయస్ రాజశేఖర రెడ్డి మిగతా నేతలను కలుపుకుని పోలేదని, క్రెడిట్ తనకు మాత్రమే దక్కాలని అలా చేసి ఉంటారని ఆయన అన్నారు.

English summary

Congress senior leader Nedurumalli janardhan Reddy clarified that he never spoke against Prajarajyam president Chiranjeevi.