సత్య సాయి సూపర్ స్పెషాలిటీ ఆస్పత్రి డైరెక్టర్ సఫాయా రాజీనామా

By Pratap

Published: Saturday, June 25, 2011, 11:04 [IST]

పుట్టపర్తి: సత్య సాయి సూపర్ స్పెషాలిటీ ఆస్పత్రి డైరెక్టర్ సఫాయా రాజీనామా చేశారు. శ్రీసత్య సాయి సెంట్రల్ ట్రస్టు అక్రమాలకు సమాధానాలు చెప్పలేకనే ఆయన రాజీనామా చేసినట్లు తెలుస్తోంది. అయితే, సఫాయా మూడు నెలలు సెలవు పెట్టి వెళ్లారని శ్రీ సత్య సాయి సెంట్రల్ ట్రస్టు వర్గాలు బుకాయిస్తున్నాయి. కాగా, సత్య సాయి సెంట్రల్ ట్రస్టు సభ్యులపై వస్తున్న ఆరోపణల మీద భక్తులు తీవ్ర ఆందోళన వ్యక్తం చేస్తున్నారు. వారు ఆందోళనకు సిద్ధపడుతున్నారు.

సత్య సాయి బాబా మృతితో సేవాదళ్ కార్యకర్తలు అనాథలయ్యారని ఆవేదన వ్యక్తం చేస్తున్నారు. సొమ్ములు తరలిస్తూ పట్టుబడిన దొంగలు అక్రమాలపై ఇప్పుడు ఏ సమాధానం చెబుతారని ప్రశ్నిస్తున్నారు. సత్య సాయి బాబా వేయి స్తంభాల గుడి కట్టించడానికి ప్రయత్నిస్తే ట్రస్టు సభ్యులు అడ్డుకున్నారని వారంటున్నారు.

Published On June 25, 2011