పెళ్లి కూతురు నచ్చలేదని కట్నంతో పారిపోయిన పెళ్లి కొడుకు

గుంటూరు: పెళ్లి కూతురు నచ్చలేదని చెప్పి ఓ పెళ్లి కొడుకు తనకు ఇచ్చిన కట్నంతో పారిపోయిన సంఘటన గుంటూరు జిల్లాలోని ఆనందపేటలో ఆదివారం చోటు చేసుకుంది. పెళ్లి ఆదివారం ఉదయం పదకొండు గంటలకు ఉంది. అయితే పెళి రోజు సమయానికి పెళ్లి కొడుకు కనిపించకుండా పోయాడు. దీంతో వరుడి బంధువులు వధువు ఇంటికి వచ్చి తన కొడుకు కనిపించడం లేదని కట్నంగా ఇచ్చిన రూ.50 వేలు కూడా కనిపించడం లేదని వధువు బధువులకు చెప్పారు.

దీంతో పెళ్లి కూతురు గదిలోనికి వెళ్లి ఆత్మహత్యాయత్నం చేసింది. కుటుంబ సభ్యులు కాపాడి ఆసుపత్రిలో చికిత్స కోసం చేర్చారు. కాగా పెళ్లి కొడుకు తరఫు బంధువులు పోలీసు స్టేషన్‌లో ఫిర్యాదు చేశారు. పెళ్లి కొడుకు కనిపించడం లేదంటూ వారు ఫిర్యాదు చేశారు. పారిపోతూ కట్నం డబ్బు కూడా పట్టుకుపోయాడని వారు ఫిర్యాదులో పేర్కొన్నారు.

English summary

Groom absconding in Guntur by uninterested on his parter. He went with 50 thousand rupees.