వైయస్ జగన్ దీక్ష చేయకుంటే ఆశ్చర్యపోవాలి‌: పనబాక లక్ష్మి

By Srinivas

Published: Sunday, June 26, 2011, 16:17 [IST]

హైదరాబాద్‌: వైయస్ఆర్ కాంగ్రెసు పార్టీ అధ్యక్షుడు వైయస్ జగన్మోహన్ రెడ్డి దీక్ష చేయకపోతే ఆశ్చర్య పోవాల్సి ఉంటుందని దీక్ష చేస్తే ఆశ్చర్య పోవాల్సిన అవసరం లేదని కేంద్రమంత్రి పనబాక లక్ష్మి ఆదివారం విలేకరులతో మాట్లాడుతూ అన్నారు. జగన్ దీక్షలతో పార్టీకి వచ్చే నష్టం లేదన్నారు. గ్యాస్‌, డీజిల్‌, కిరోసిన్‌ ధరలను తప్పనిసరి పరిస్థితుల్లోనే పెంచాల్సి వచ్చిందని ఆమె అన్నారు. ప్రజలపై భారం మోపడానికో, సరదాకో ధరలను పెంచలేదని అన్నారు.

ప్రస్తుతం రాష్ట్రంలో కాంగ్రెస్‌ పార్టీ బలంగానే ఉందని అభిప్రాయపడ్డారు. హైదరాబాద్‌లో జరిగిన అఖిల భారత ఎస్సీ, ఎస్టీ బ్యాంకు ఉద్యోగుల సమాఖ్య ద్వితీయ వార్షికోత్సవ సమావేశానికి ఆమె ముఖ్యఅతిథిగా హాజరయ్యారు. ఉద్యోగుల సమస్యల పరిష్కారానికి తమ వంతు సహకారం ఎప్పుడూ ఉంటుందని సమావేశంలో మంత్రి హామీ ఇచ్చారు.

Published On June 26, 2011